اقوام متحدہ میں ایران میں مظاہرین کے خلاف تشدد کی تحقیقات کے لیے قرارداد منظور کر لی گئی۔ قرارداد کے حق میں 25 ووٹ آئے، جبکہ پاکستان، چین، مصر، کیوبا سمیت سات ممالک نے مخالفت میں ووٹ دیا۔ انسانی حقوق کونسل میں 14 ممالک نے ووٹنگ میں حصہ نہیں لیا۔انسانی حقوق کونسل نے ایران میں انسانی حقوق کی خلاف ورزیوں کی آزاد تحقیقات کے دائرہ کار کو بڑھانے کا فیصلہ کیا ہے، اور قرارداد میں ایران میں پرتشدد کریک ڈاؤن کے حوالے سے فوری عالمی تحقیقات کا مطالبہ کیا گیا ہے۔ جنیوا میں انسانی حقوق کونسل میں ایران کی حمایت پر ایرانی سفیر رضا امیری مقدم نے پاکستان کا خصوصی شکریہ ادا کیا۔ انہوں نے کہا کہ یہ تاریخی اور غیر متزلزل موقف ہے اور ایران کے خلاف بلاجواز اقدامات کی مسلسل تیسری ناکامی کو ظاہر کرتا ہے۔
Discussion about this post