پی ایس ایل نیلامی سے علی ترین کا دستبردار ہونے کا اعلان

پاکستان سپر لیگ کی نئی ٹیموں کی نیلامی سے علی ترین نے دستبردار ہونے کا اعلان کر دیا ہے۔ علی ترین نے سوشل میڈیا کے ذریعے اپنے فیصلے سے آگاہ کرتے ہوئے بتایا کہ دو نئی ٹیموں کی بولی کے لیے موجود نو خریداروں کے درمیان مقابلہ اب کچھ ہی دیر میں شروع ہوگا، تاہم وہ اس عمل کا حصہ نہیں ہوں گے۔ سوشل میڈیا پلیٹ فارم ایکس پر اپنے بیان میں علی ترین کا کہنا تھا کہ انہوں نے یہ فیصلہ اہلِ خانہ سے مشاورت کے بعد کیا ہے۔ انہوں نے واضح کیا کہ اگر مستقبل میں پی ایس ایل میں واپسی ہوئی تو وہ صرف جنوبی پنجاب کی نمائندگی کے لیے ہوگی۔ علی ترین نے مزید کہا کہ پی ایس ایل کے سیزن 11 میں وہ بطور تماشائی اسٹیڈیم میں موجود ہوں گے اور اپنی ٹیم ملتان سلطانز کی حمایت جاری رکھیں گے۔ ان کا کہنا تھا کہ جب بھی ملتان سلطانز کی ٹیم فروخت کے لیے آئے گی، وہ دوبارہ میدان میں اترنے کے لیے مکمل طور پر تیار ہوں گے۔

After careful consideration, my family and I have decided not to participate in today’s PSL franchise auction.

Our time with Multan Sultans was never just about owning a cricket team. It was about South Punjab. About giving a voice to a region that had been overlooked for too…

— Ali Khan Tareen (@aliktareen) January 8, 2026