بھارتی بورڈ کا بنگلادیش کے مستفیض الرحمان کو آئی پی ایل سے ریلیز کرنےکا حکم

بھارتی کرکٹ بورڈ نے حالیہ سیاسی و سفارتی دباؤ میں آ کر کولکتہ نائٹ رائیڈرز کے بنگلہ دیشی فاسٹ بولر مستفیض الرحمان کو آئی پی ایل 2026 کے لیے ریلیز کرنے کا حکم دے دیا ہے۔ذرائع کے مطابق بی سی سی آئی کے سیکریٹری دیوا جیت سائیکیا نے فرنچائز کو باضابطہ ہدایت جاری کی ہے کہ وہ مستفیض الرحمان کو اسکواڈ سے خارج کرے۔ یہ فیصلہ حالیہ خطے کی کشیدگی، بنگلہ دیش میں پیدا ہونے والی بے چینی اور بھارت میں اس پر ردعمل کے پیش نظر کیا گیا ہے۔ واضح رہے کہ مستفیض الرحمان کو دسمبر کی نیلامی میں کولکتہ نائٹ رائیڈرز نے 9 کروڑ 20 لاکھ بھارتی روپے میں خریدا تھا، جو انہیں آئی پی ایل کے سب سے مہنگے بنگلہ دیشی کھلاڑی کے طور پر نمایاں کرتا ہے۔ ان کی شمولیت کے بعد سے اداکار شاہ رخ خان شدید تنقید کی زد میں تھے اور بعض سیاسی و مذہبی حلقوں نے انہیں ملک دشمن پالیسی پر عمل کرنے کا الزام بھی دیا تھا، جس کے بعد بی سی سی آئی نے یہ قدم اٹھایا۔

Mustafiz Ur Rehman Likely to pull out of IPL Due to Open threates by BJP and Indian 🇮🇳 Extremist pic.twitter.com/DasRMpjGNo

— ٰImran Siddique (@imransiddique89) January 1, 2026

سائیکیا نے کہا کہ اگر کولکتہ نائٹ رائیڈرز کسی متبادل کھلاڑی کے لیے درخواست دیں تو اسے منظوری دی جائے گی۔ بی سی سی آئی کا کہنا ہے کہ ابتدائی طور پر صورتحال پر نظر رکھنے کی پالیسی اپنائی گئی تھی، تاہم حالیہ پیش رفت کے بعد ریلیز ناگزیر ہو گئی۔