مقبوضہ کشمیر کے تھانے میں دھماکا

بھارتی نشریاتی ادارے این ڈی ٹی وی کے مطابق سرینگر کے علاقے نوگام میں واقع پولیس اسٹیشن کے اندر زور دار دھماکا ہوا، جس نے پورے احاطے کو ہلا کر رکھ دیا۔رپورٹس کے مطابق ہلاک ہونے والوں میں زیادہ تر پولیس اہلکار اور فرانزک ٹیم کے ارکان شامل ہیں، جو تھانے میں جمع کیے گئے دھماکا خیز مواد کا معائنہ کر رہے تھے۔ عملے کے گرد کھڑا بارودی مواد چند لمحوں میں موت کا سامان بن گیا۔ عینی شاہدین نے بتایا کہ دھماکا اتنا شدید تھا کہ متاثرین کے اعضا تک قریبی گھروں میں بکھر گئے، جبکہ تھانے کے اندر آگ بھڑک اٹھی، جسے بجھانے کے لیے فائر بریگیڈ کی ٹیموں کو فوری طلب کیا گیا۔ زخمیوں میں سے کم از کم پانچ افراد کی حالت تشویشناک بتائی جا رہی ہے، اور ہلاکتوں میں اضافے کا خدشہ ظاہر کیا جا رہا ہے۔ دھماکے کی اصل وجہ سامنے نہیں آ سکی، تاہم شبہ ظاہر کیا جا رہا ہے کہ تھانے میں ضبط کردہ بارودی مواد اچانک پھٹ گیا۔

Hospital visuals from Srinagar in Kashmir after deadly explosion at the Nowgam Police Station. Injured rushed to the hospital. Investigation underway at the Police Station on the nature of the explosion. The chemical of explosive was very unstable. pic.twitter.com/srgRFdRglw

— Aditya Raj Kaul (@AdityaRajKaul) November 14, 2025

اس واقعے پر  مقبوضہ جموں و کشمیر پولیس کی جانب سے تاحال کوئی باضابطہ بیان جاری نہیں کیا گیا۔ یہ ہلاکت خیز دھماکا ایسے وقت میں ہوا ہے جب صرف چار دن قبل نئی دہلی میں ایک کار دھماکے نے آٹھ افراد کی جان لے لی تھی، جس کے بعد بھارت بھر میں سکیورٹی خدشات مزید بڑھ گئے ہیں۔