وزیر اعلیٰ پنجاب مریم نواز شریف نے صوبائی ایئرلائن ایئر پنجاب کو جلد از جلد فعال کرنے کا حکم دیتے ہوئے فیز ون کے اقدامات فوراً مکمل کرنے کی ہدایت کر دی۔ انہوں نے کہا کہ ایئرلائن کے لیے جدید اور آرام دہ طیارے لیز پر حاصل کیے جائیں۔ وزیر اعلیٰ کی زیر صدارت اجلاس میں ایئر پنجاب منصوبے پر پیش رفت کا تفصیلی جائزہ لیا گیا، بریفنگ میں لاہور سے اسلام آباد کو پہلے فلائٹ روٹ کے طور پر شروع کرنے پر اتفاق کیا گیا۔ اجلاس میں مری گلاس ٹرین پراجیکٹ کا بھی جائزہ لیا گیا۔ مریم نواز نے ہدایت کی کہ سیاحت کے فروغ کے لیے گلاس ٹرین منصوبے کی تکمیل کے لیے تمام ممکن اقدامات کیے جائیں۔
Discussion about this post