پاکستان کے تجربہ کار اسپنر آصف آفریدی نے انگلینڈ کے چارلس میریٹ کا 92 سال پرانا ریکارڈ پسِ پشت ڈال دیا۔راولپنڈی ٹیسٹ میں جنوبی افریقہ کے خلاف انٹرنیشنل ڈیبیو کرتے ہوئے انہوں نے پانچ وکٹیں لے کر ڈیبیو پر پانچ شکار کرنے والے معمر ترین کرکٹر ہونے کا اعزاز حاصل کرلیا۔ میچ کے آغاز پر آصف آفریدی کی عمر 38 سال اور 299 دن تھی، جب کہ اس سے قبل یہ ریکارڈ انگلینڈ کے چارلس میریٹ کے پاس تھا، جنہوں نے 1933 میں 37 سال 332 دن کی عمر میں اپنی پہلی ٹیسٹ اننگز میں پانچ وکٹیں لی تھیں۔دلچسپ امر یہ ہے کہ جنوبی افریقہ کے خلاف سیریز کے پہلے ٹیسٹ میچ میں آصف آفریدی کو ٹیم میں شامل نہیں کیا گیا تھا، تاہم پہلا ٹیسٹ جیتنے کے بعد دوسرے اور آخری ٹیسٹ میں موقع ملا اور انہوں نے موقع ملتے ہی تاریخ رقم کردی۔
Discussion about this post