حکومت سندھ کا 22 سے زائد میگا اسپورٹس ایونٹ منعقد کرانے کا فیصلہ

سندھ حکومت نے رواں ماہ کے آخری ہفتے سے جون 2026 تک صوبے بھر میں 22 سے زائد میگا اسپورٹس ایونٹس کرانے کا فیصلہ کیا ہے۔تفصیلات کے مطابق وزیر کھیل و امورِ نوجوانان سردار محمد بخش مہر کی زیرصدارت اجلاس میں 35ویں نیشنل گیمز، سندھ گیمز 2026، تھر جیپ ریلی اور دیگر بڑے ایونٹس پر بریفنگ دی گئی۔ اجلاس کے بعد صوبائی وزیر نے بتایا کہ:“نومبر کے آخری ہفتے سے جون 2026 تک میگا اسپورٹس کیلنڈر شروع کر دیا جائے گا۔”

سندھ حکومت کا رواں ماہ کے آخری ہفتہ سے جون 2026 تک صوبے بھر میں22 سے زائد میگا اسپورٹس ایونٹس منعقد کرانے کا فیصلہ

وزیر کھیل و امور نوجوانان سندھ سردار محمد بخش مہر کی زیر صدارت اہم اجلاس

اجلاس میں 35 ویں نیشنل گیمز، جبکہ آئندہ سال سندھ گیمز 2026،تھر جیپ ریلی سمیت بڑے میگا… pic.twitter.com/9d7b5JF9Ak

— Sindh Information Department (@sindhinfodepart) October 21, 2025

اہم اعلانات

• پہلی بار حکومتی سطح پر دو روزہ سندھ ای-اسپورٹس چیمپئن شپ کراچی میں منعقد ہوگی

• 3 روزہ اسپیشل سندھ گیمز ’حوصلے کمال کے‘ آئندہ ماہ ہوں گے

• سندھ یوتھ سائنس ٹیکنالوجی ایکسپو 2025 نومبر کے آخر میں کراچی میں

• تائیکوانڈو، کراٹے، ٹیبل ٹینس ٹورنامنٹس , کراچی ضلع جنوبی میں

• کوہستان بل کارٹ ریس ، ٹھٹھہ، نومبر

• فٹسال چیمپئن شپ “جذبہ جنون” ، کراچی، اگلے ماہ

• سندھ گیمز 2026 ، جنوری میں

• تھر جیپ ریلی ، گھوٹکی میں

صوبائی وزیر کا کہنا تھا کہ نوجوانوں کو عالمی سطح کے مواقع اور مثبت سرگرمیوں کی فراہمی حکومت کی ترجیح ہے۔ اسپیشل گیمز پی سی بی کوچنگ سینٹر، یوتھ سائنس فیسٹیول گلستانِ جوہر، جبکہ ای-اسپورٹس مقامی ہوٹل میں ہوں گے۔انہوں نے بتایا کہ 35ویں نیشنل گیمز کی میزبانی کیلئے تیاریاں مکمل ہیں اور اسپیشل ایتھلیٹس کیلئے بھی بھرپور سہولیات یقینی بنائی جائیں گی۔