امریکا میں امیگریشن پی رول فیس کا نفاذ ، ہوم لینڈ سیکیورٹی کا نیا اعلان

امریکا کے ڈیپارٹمنٹ آف ہوم لینڈ سیکیورٹی (DHS) نے ایک نیا فیڈرل رجسٹر نوٹس جاری کیا ہے، جس کے مطابق امیگریشن پی رول (Parole) فیس کا نفاذ ایچ آر-1 مفاہمتی بل کے تحت کیا جا رہا ہے۔ اعلان کے مطابق، مالی سال 2025 کے لیے یہ فیس ایک ہزار ڈالر مقرر کی گئی ہے، جو آئندہ برسوں میں افراطِ زر کے تناسب سے ایڈجسٹ کی جائے گی۔ یہ فیس ان تمام افراد پر لاگو ہوگی جو امریکا میں پے رول کے تحت داخل ہوں گے، تاہم مخصوص مستثنیٰ کیٹیگریز کو اس سے رعایت دی جائے گی۔ڈیپارٹمنٹ نے واضح کیا کہ ڈیموکریٹس کی حکومت کے شٹ ڈاؤن کے باوجود ملکی تحفظ کا کام جاری رہے گا اور امیگریشن قوانین پر سختی سے عمل درآمد کیا جائے گا۔فیڈرل رجسٹر نوٹس میں بتایا گیا ہے کہ یہ فیس 16 اکتوبر 2025 سے نافذ العمل ہوگی۔

یو ایس سٹیزن شپ اینڈ امیگریشن سروسز (USCIS) کے مطابق، اگر کوئی شخص امریکا میں جسمانی طور پر موجود ہے اور اسے پے رول یا ری پے رول دیا جا رہا ہے، تو اسے یہ فیس ادا کرنا لازمی ہوگی۔درخواست منظور ہونے سے پہلے، درخواست دہندہ کو فیس کی ادائیگی کے لیے باقاعدہ نوٹس، ہدایات اور آخری تاریخ فراہم کی جائے گی۔یہ بھی واضح کیا گیا ہے کہ فیس ادا کیے بغیر پے رول کی منظوری نہیں دی جائے گی۔

محکمہ نے یہ ہدایت بھی جاری کی ہے کہ فارم I-131 جمع کراتے وقت یہ فیس جمع نہ کرائی جائے، کیونکہ یہ فیس امریکا میں داخلے یا پے رول کے وقت وصول کی جائے گی۔

مزید تفصیلات، بشمول کسٹمز اینڈ بارڈر پروٹیکشن (CBP) یا امیگریشن اینڈ کسٹمز انفورسمنٹ (ICE) کے ذریعے فیس کی وصولی کے طریقہ کار کے لیے، شہریوں کو فیڈرل رجسٹر نوٹس سے رجوع کرنے کی ہدایت کی گئی ہے۔

https://public-inspection.federalregister.gov/2025-19564.pdf