جامعہ کراچی نے جسٹس طارق محمود کی ایل ایل بی کی سند منسوخی کا نوٹیفکیشن جاری کردیا

جامعہ کراچی نے جسٹس طارق محمود جہانگیری کا ایل ایل بی انرولمنٹ منسوخ کر دیا ہے۔ ادارے کی جانب سے جاری اعلامیہ میں بتایا گیا ہے کہ وہ ناجائز ذرائع استعمال کرنے کے مرتکب پائے گئے، اور ان پر آئندہ تین سال تک یونیورسٹی یا کالج میں داخلہ لینے پر پابندی عائد کر دی گئی ہے۔ اعلامیے میں مزید کہا گیا کہ جسٹس طارق محمود جہانگیری کبھی بھی اسلامیہ لاء کالج کراچی کے طالب علم نہیں رہے، اور اسسٹنٹ رجسٹرار سیٹلمنٹ نے ان کا ایل ایل بی انرولمنٹ نمبر منسوخ کر دیا ہے۔ جامعہ کراچی نے یہ فیصلہ وائس چانسلر کی منظوری سے جاری کیا، اور اسے 31 اگست 2024 کو ہونے والے سینڈیکٹ اجلاس میں فیئرمینز کمیٹی کی سفارش پر حتمی شکل دی گئی۔ واضح رہے کہ جسٹس طارق محمود جہانگیری کی ڈگری کا کیس عدالت میں زیر سماعت ہے۔