نوبل انعام یافتہ ملالہ یوسفزئی نے ایک مرتبہ پھر دنیا کو دکھا دیا کہ ان کی جدوجہد صرف تعلیم تک محدود نہیں، بلکہ انسانیت کے لیے ہے۔ ملالہ فنڈ نے غزہ میں کام کرنے والی تنظیم "انٹرنیشنل نیٹ ورک فار ایڈ، ریلیف اینڈ اسسٹینس (انیرا)” کو ایک لاکھ ڈالر کی فنڈنگ دینے کا اعلان کیا ہے تاکہ ان بچوں تک مدد پہنچ سکے جن کی تعلیم اور بنیادی خدمات جنگ کے باعث شدید متاثر ہوئی ہیں۔ ملالہ فنڈ کی جانب سے جاری اعلامیے میں کہا گیا کہ یہ امداد انیرا کی جاری خدمات کو سہارا دے گی اور بچوں کو تعلیم، ریلیف اور تحفظ فراہم کرنے میں معاون ثابت ہوگی۔ یہ پہلا موقع نہیں ہے۔ ملالہ فنڈ 2023 سے غزہ میں سرگرم ہے اور اب تک فلسطینیوں کی مدد کرنے والی تنظیموں کو 7 لاکھ ڈالر سے زائد امداد دے چکا ہے۔ اس فہرست میں انیرا، فلسطین چلڈرن ریلیف فنڈ، انروا، انارا، راوا اور کائنڈریو ایس اے شامل ہیں۔ملالہ یوسفزئی نے اپنے پیغام میں کہا:
"ہمیں نسل کشی کے خاتمے کا مطالبہ جاری رکھنا چاہیے۔ اسرائیل پر دباؤ ڈالنا ہوگا کہ وہ محاصرہ ختم کرے، سرحدیں کھولے اور مستقل جنگ بندی کو یقینی بنائے۔”
انہوں نے زور دیا کہ فلسطینی بچے نہ صرف بہتر مستقبل بلکہ پوری دنیا کی مدد کے مستحق ہیں۔
Discussion about this post