ہوٹنگ پر بھارتی شائقین کو حارث رؤف کا کرارہ جواب

ایشیا کپ کے سپر فور مرحلے کے دوسرے معرکے میں بھارت نے پاکستان کو 6 وکٹوں سے زیر تو کر لیا، لیکن میدانِ جنگ میں اصل توجہ کا مرکز پاکستانی پیسر حارث رؤف رہے۔ دبئی کرکٹ اسٹیڈیم میں کھیلے گئے اس سنسنی خیز میچ میں بھارت نے 172 رنز کا ہدف 4 وکٹوں پر عبور کر لیا۔ مگر اس دوران حارث رؤف نہ صرف بھارتی بلے بازوں پر قہر بن کر ٹوٹے بلکہ تماشائیوں کو بھی اپنے جاندار جوابوں سے خاموش کراتے رہے۔ جب بھارتی شائقین نے انہیں "کوہلی کوہلی” کے نعرے لگا کر مشتعل کرنے کی کوشش کی تو حارث رؤف نے بھی کمال ہوشیاری دکھائی۔ ہاتھوں کے اشاروں سے انہوں نے گویا چھ بھارتی طیاروں کے زمین بوس ہونے کی یاد تازہ کر دی۔

Haris Rauf showing the Indians how Thier Planes were shot down😭 pic.twitter.com/xiKg8OILPI

— SheR•ALI (@Sher__Ali) September 21, 2025

یہ منظر دیکھنے والوں کے دلوں میں نقش ہو گیا اور سوشل میڈیا پر دھوم مچ گئی۔ ’ایکس‘ پر مداحوں نے حارث رؤف کے اس انداز کو بھرپور خراجِ تحسین پیش کیا۔ ایک صارف نے لکھا: "حارث رافیل طیاروں کے گرنے کی عکاسی کر رہے ہیں”، جبکہ دوسرے نے طنزیہ تبصرہ کیا: "0-6… بہترین اشارہ!”۔

6-0 Is the Best , That’s it.#INDvPAK #PAKvIND #AsiaCup2025 pic.twitter.com/2MHZfxgR1p

— Waqas Khan 🇺🇸 (@WWakas) September 21, 2025

شیر علی نامی صارف نے مزید لکھا: "یہ ہے اصل حارث، بھارتیوں کو یاد دلا رہے ہیں کہ ان کے جہاز کس طرح گرے تھے۔” یوں شکست کے باوجود اس میچ کی اصل کہانی اس پاکستانی شیر کے گرد گھومتی رہی جس نے اپنے عمل اور انداز سے ثابت کیا کہ کچھ کردار ہار کر بھی جیت جاتے ہیں۔

Haris Rauf mimicking Rafale ✈️ pic.twitter.com/iaoG6GXDoo

— Waseem Khan Lodhi x BA⁵⁶🏏 (@iAmKhanLodhi) September 21, 2025