ارشد ندیم ایک بار پھر تاریخ رقم کرنے کو تیار

پاکستان کے عالمی شہرت یافتہ جیولن تھرو ایتھلیٹ اور ایشیائی و بین الاقوامی چیمپئن ارشد ندیم ورلڈ ایتھلیٹکس چیمپئن شپ میں شرکت کے لیے ٹوکیو پہنچ گئے ہیں۔ ایونٹ میں شاندار کارکردگی کے لیے انہوں نے قوم اور مداحوں سے دعاؤں کی اپیل کی ہے۔ اپنے پیغام میں ارشد ندیم نے کہا کہ:
"آپ سب کو معلوم ہے کہ میں ورلڈ ایتھلیٹکس چیمپئن شپ کے لیے ٹوکیو آیا ہوں۔ کل انشاءاللہ پاکستانی وقت کے مطابق 4:45 پر میرا کوالیفائنگ راؤنڈ ہے۔ میری دعا ہے کہ میں اچھا پرفارم کروں اور فائنل میں جگہ بناؤں۔”

کل انشاءاللہ پاکستانی وقت کے مطابق 4:45pm میرا کوالیفائنگ راؤنڈ ہے، آپ سب سے دعاؤں کی درخواست ہے۔ pic.twitter.com/xIYe7JXe6y

— Arshad Nadeem (@ArshadOlympian1) September 16, 2025

ورلڈ ایتھلیٹکس چیمپئن شپ کا فائنل 18 ستمبر 2025 کو منعقد ہوگا جس میں دنیا کے صفِ اول کے ایتھلیٹس شرکت کریں گے۔ خیال رہے کہ ارشد ندیم نے 2022 کے کامن ویلتھ گیمز میں پاکستان کے لیے گولڈ میڈل جیت کر تاریخ رقم کی تھی اور وہ ملک کے پہلے ایتھلیٹ ہیں جنہوں نے جیولن تھرو میں 90 میٹر کے قریب تھرو کرنے کا اعزاز حاصل کیا۔