ہانیہ عامر ، دنیا کی 6ویں خوبصورت ترین اداکارہ کا عالمی اعزاز پاکستان کے نام

اپنی دلکش اداکاری اور معصومانہ مگر پُراثر انداز سے مداحوں کے دل جیتنے والی ہانیہ عامر نے ایک اور عالمی کامیابی حاصل کر لی۔ بین الاقوامی شہرت یافتہ پلیٹ فارم انٹرنیٹ مووی ڈیٹا بیس (IMDb) نے انہیں سال 2025-2026 کی دنیا کی 10 خوبصورت ترین اداکاراؤں کی فہرست میں شامل کر کے پاکستان کا نام روشن کر دیا۔ ہانیہ عامر اس فہرست میں شامل ہونے والی واحد پاکستانی اداکارہ ہیں۔ عالمی درجہ بندی میں وہ چھٹے نمبر پر موجود ہیں، اور انہوں نے حسن و جمال میں ہولی وڈ کی مشہور شخصیات امبر ہرڈ اور ایما واٹسن کو بھی پیچھے چھوڑ دیا۔

IMDb کی جاری کردہ فہرست میں:

• 10ویں نمبر پر ترک اداکارہ و ماڈل ہاندے آرچل

• 9ویں پر ہولی وڈ اداکارہ امبر ہرڈ

• 8ویں پر اداکارہ و پروڈیوسر ایما واٹسن

• 7ویں پر کیوبن نژاد اسپینش اداکارہ آنا دی آرمس

• 5ویں پر بولی وڈ کی واحد نمائندہ کرتی سنن

• 4ویں پر جنوبی کوریا کی اسٹار نینسی مکڈونی

• 3ویں پر چین کی حسینہ دلرابا دلمورت

• 2ویں پر امریکی اداکارہ شیلنی وڈلے

• اور پہلے نمبر پر آسٹریلیا کی عالمی شہرت یافتہ اداکارہ مارگوٹ روبی شامل ہیں۔

ہانیہ عامر کی اس کامیابی نے ایک بار پھر ثابت کر دیا کہ پاکستانی فنکار نہ صرف اپنی اداکاری بلکہ اپنی شخصیت اور حسن کے بل بوتے پر بھی دنیا میں نمایاں مقام حاصل کر سکتے ہیں۔