پاکستان میں گدھوں کی گنتی مکمل, پنجاب سب پر بازی لے گیا

زراعت شماری 2024 کے تازہ اعداد و شمار کے مطابق پاکستان میں گدھوں کی گنتی مکمل کر لی گئی ہے، اور حیران کن طور پر پنجاب سب صوبوں کو پیچھے چھوڑتے ہوئے پہلے نمبر پر آ گیا ہے۔ رپورٹ کے مطابق پنجاب میں گدھوں کی تعداد 24 لاکھ 3 ہزار ہے، جو باقی تمام صوبوں کے مقابلے میں نمایاں طور پر زیادہ ہے۔ سندھ 10 لاکھ 81 ہزار کے ساتھ دوسرے، خیبرپختونخوا 7 لاکھ 82 ہزار کے ساتھ تیسرے، اور بلوچستان 6 لاکھ 30 ہزار گدھوں کے ساتھ سب سے پیچھے ہے۔ وفاقی دارالحکومت اسلام آباد میں گدھوں کی تعداد 4 ہزار بتائی گئی ہے۔

شماری کے مطابق، صرف پنجاب میں بلوچستان کے مقابلے 17 لاکھ 73 ہزار، خیبرپختونخوا سے 16 لاکھ 21 ہزار اور سندھ سے 13 لاکھ 22 ہزار گدھے زیادہ ہیں۔ رپورٹ یہ بھی ظاہر کرتی ہے کہ ملک بھر میں گدھوں کی مجموعی تعداد 49 لاکھ تک پہنچ چکی ہے، جو پچھلے برسوں کے مقابلے میں اضافہ ہے۔ یہ اضافہ دیہی معیشت اور بوجھ ڈھونے والے جانوروں پر بڑھتے انحصار کی عکاسی کرتا ہے۔