آئی ایس پی آر کا نیا ملی نغمہ ’’جان سے پیارا پاکستان‘‘ جاری

یومِ آزادی معرکہ حق کے موقع پر پاک فوج کے شعبہ تعلقات عامہ (آئی ایس پی آر) نے نیا ملی نغمہ ’’جان سے پیارا پاکستان‘‘ ریلیز کر دیا۔ اس نغمے میں پاکستان کے لیے محبت، قومی اتحاد، مذہبی ہم آہنگی اور قربانی کے جذبے کو اجاگر کیا گیا ہے۔ گانے کے بولوں میں دشمن کو واضح پیغام دیا گیا ہے:
’’اٹھے قدم جو غیر کے، ہم دھول چٹا دیں گے‘‘۔

نغمے میں یہ بھی بتایا گیا ہے کہ پاکستان کی اصل طاقت اس کے شہری ہیں، چاہے وہ کسان ہوں، مزدور ہوں یا محنت کش۔ تمام طبقات کی محنت کو ملکی ترقی کا ستون قرار دیا گیا ہے۔گانے میں ہندو، سکھ اور عیسائی برادریوں کو بھی ملک کے ساتھ شانہ بشانہ کھڑا دکھایا گیا ہے، جس سے پاکستان کی مذہبی رواداری اور اتحاد کو اجاگر کیا گیا ہے۔یہ نغمہ صرف ایک گیت نہیں بلکہ ہر پاکستانی کے دل میں موجود حب الوطنی کے جذبے کو تازہ کرنے والا عہد ہے۔