بھارتی فلم انڈسٹری کی مقبول اداکارہ تمنا بھاٹیا نے حال ہی میں ایک انٹرویو میں ان افواہوں پر دو ٹوک ردِعمل دیا ہے جن میں انہیں سابق پاکستانی آل راؤنڈر عبدالرزاق کے ساتھ شادی شدہ قرار دیا گیا تھا۔یہ افواہیں پہلی بار 2020 میں اس وقت منظرِ عام پر آئیں جب تمنا اور عبدالرزاق کی ایک مشترکہ تصویر سوشل میڈیا پر وائرل ہوئی، جس میں دونوں کو ایک جیولری اسٹور کی افتتاحی تقریب میں ساتھ دیکھا گیا تھا۔ تصویر کے وائرل ہوتے ہی انٹرنیٹ پر قیاس آرائیوں کا طوفان آ گیا یہاں تک کہا گیا کہ دونوں نے خفیہ شادی کر لی ہے۔ اب، برسوں بعد، تمنا بھاٹیا نے ایک بھارتی ٹی وی شو کو انٹرویو دیتے ہوئے ان افواہوں پر کھل کر بات کی۔اداکارہ نے ہنستے ہوئے کہا:
"انٹرنیٹ واقعی ایک عجیب جگہ ہے… یہ سب بہت ہی شرمناک تھا۔ صرف ایک تقریب میں ساتھ موجود ہونے کا مطلب یہ نہیں کہ ہمارا ذاتی تعلق تھا۔”
انہوں نے مزید کہا کہ انہیں تو اس شہر کا نام بھی یاد نہیں، جہاں وہ جیولری اسٹور کی افتتاحی تقریب کے لیے گئی تھیں، اور وہیں سے یہ عجیب کہانی گھڑ لی گئی۔تمنا نے عبدالرزاق کو مخاطب کرتے ہوئے معذرتاً کہا:
"معاف کیجیے گا سر، آپ کے تو بچے بھی ہیں!”
اداکارہ نے زور دے کر کہا کہ جب آپ کا کسی سے کوئی تعلق نہ ہو، اور لوگ خود سے من گھڑت کہانیاں بنا لیں تو اس پر صرف افسوس ہی کیا جا سکتا ہے۔
"ہم ان لوگوں کو سمجھا نہیں سکتے، جو جو چاہیں، وہی سوچتے ہیں۔”
واضح رہے کہ تمنا بھاٹیا کا نام 2022 سے بھارتی اداکار وجے ورما کے ساتھ بھی جوڑا جا رہا تھا، تاہم حالیہ خبروں کے مطابق دونوں کے درمیان اب صرف دوستی باقی ہے اور رومانوی تعلق ختم ہو چکا ہے۔
Discussion about this post