وزارت مذہبی امور نے حج 2026 کے لیے رجسٹرڈ عازمین سے واجبات کی وصولی کا باقاعدہ آغاز کر دیا ہے۔ پہلا مرحلہ آج سے شروع ہو چکا ہے، جس کے تحت نام درج کروانے والے افراد سے پہلی قسط 9 اگست تک جمع کی جائے گی۔ وزارت کے مطابق یہ عمل ’پہلے آئیے، پہلے پائیے‘ کی بنیاد پر جاری رہے گا، اور جیسے ہی مقررہ نشستیں مکمل ہو جائیں گی، وصولی کا عمل روک دیا جائے گا۔’حج پیکج 2026‘ کی مالیت 11 لاکھ 50 ہزار سے 12 لاکھ 50 ہزار روپے کے درمیان متوقع ہے۔ یہ رقم ملک کی موجودہ معاشی صورتحال اور سعودی عرب کے ساتھ ہونے والے انتظامی معاہدوں کو مدِنظر رکھتے ہوئے طے کی گئی ہے۔وزارتِ مذہبی امور نے اس بار حج پالیسی میں اہم تبدیلیاں بھی کی ہیں۔
دوسری قسط کی وصولی کا آغاز یکم نومبر سے کیا جائے گا۔
دوبارہ حج کی ممانعت اور عمر کی بالائی حد جیسی قدغنیں ختم کر دی گئی ہیں، جس سے ہر عمر اور ہر حیثیت کا مسلمان اس روحانی سفر کے لیے اپنی خواہش پیش کر سکتا ہے۔
وہ افراد جو ابھی تک رجسٹر نہیں ہو پائے، ان کے لیے خوشخبری یہ ہے کہ 11 سے 16 اگست تک نئے عازمین حج کے لیے درخواستیں جمع کروانے کا موقع بھی فراہم کیا جائے گا۔درخواستیں نامزد بینکوں یا وزارت کے آن لائن پورٹل کے ذریعے جمع کرائی جا سکتی ہیں
Discussion about this post