33 سال بعد، شاہ رخ خان کو بھارت کا پہلا قومی فلم ایوارڈ

بالی ووڈ کے سپر اسٹار شاہ رخ خان کو ان کی شاندار فلمی خدمات کے اعتراف میں بالآخر بھارت کا پہلا قومی فلم ایوارڈ ملنے جا رہا ہے۔ یہ اعزاز انہیں 2023 کی بلاک بسٹر فلم ’جوان‘ میں متاثر کن دوہرے کردار ادا کرنے پر دیا جا رہا ہے، جو ہدایتکار ایٹلی کی زیر نگرانی تیار کی گئی تھی۔ شاہ رخ خان نے 1992 میں فلم ’دیوانہ‘ سے اپنے فلمی سفر کا آغاز کیا، اور 30 سے زائد سالوں میں درجنوں کامیاب اور یادگار فلمیں دیں، مگر حیران کن طور پر یہ ان کا پہلا قومی فلم ایوارڈ ہو گا۔  بھارت کا قومی فلم ایوارڈ کا یہ اعزاز شاہ رخ خان کے لاکھوں مداحوں کے لیے خوشی اور فخر کا باعث ہے، جو نہ صرف ان کی تین دہائیوں پر محیط محنت، لگن اور سچائی کا اعتراف ہے بلکہ بھارتی سینما میں ان کی ناقابلِ فراموش موجودگی کا ثبوت بھی ہے۔