ڈیفنس کراچی: موٹرسائیکل سوار نوجوان پر تشدد کا مقدمہ ختم

ڈیفنس کے علاقے میں موٹرسائیکل سوار نوجوان پر تشدد کرنے والے سلمان فاروقی کے خلاف درج مقدمہ پولیس نے ختم کر دیا ہے۔ گزری پولیس نے عدالت میں مقدمہ ختم کرنے کی رپورٹ جمع کروا دی۔ رپورٹ کے مطابق متاثرہ نوجوان دھیرج عرف دھن راج نے تحریری طور پر بتایا ہے کہ اس کے ساتھ یا اس کی بہن کے ساتھ کوئی بدتمیزی نہیں ہوئی، اور وہ ملزمان کے خلاف کارروائی نہیں چاہتا۔ پولیس کا کہنا ہے کہ متاثرہ نوجوان کے حلفیہ بیان کی بنیاد پر سلمان فاروقی اور اویس ہاشمی کے خلاف جان سے مارنے کی دھمکی اور دیگر الزامات ختم کر دیے گئے ہیں۔یاد رہے کہ یہ مقدمہ گزری تھانے میں درج کیا گیا تھا۔