دنیا میں 5 جنگیں رکوائیں، نوبل امن انعام کا بہترین امیدوار میں ہوں، ٹرمپ

آئیووا اسٹیٹ فیئر گراؤنڈز میں امریکی صدر ڈونلڈ ٹرمپ نے ملک کے 250 ویں یومِ آزادی کے موقع پر ایک بھرپور عوامی اجتماع سے خطاب کیا۔ انہوں نے داخلی اور خارجی پالیسیوں پر اہم اعلانات کیے، اپنے دور میں پانچ بین الاقوامی جنگیں روکنے کا دعویٰ کیا اور امن قائم کرنے میں کلیدی کردار ادا کیا۔ ان کے خیال میں وہ نوبل امن انعام کے لیے بہترین امیدوار ہیں۔، انہوں نے بتایا کہ انہوں نے پاکستان اور بھارت کے درمیان ایٹمی تنازع کو روکا، اور کانگو اور روانڈا کے درمیان 30 سال سے چلی خانہ جنگی کو ختم کیا۔ انہوں نے کوسووو اور سربیا کے درمیان جاری کشیدگی کو بھی روکا۔ صدر ٹرمپ نے امریکی کسانوں کے مسائل پر بھی بات کی، خصوصاً ان مزدوروں کی مدد کے بارے میں جو فارموں پر کام کرتے ہیں۔ انہوں نے ان کو ضمانت دینے کی بات کی اور کہا کہ اگر کسان انہیں ضمانت دے دیں تو وہ امریکا میں رہ سکتے ہیں۔انہوں نے اپنی حکومت کے دور میں ڈیپورٹیشن پلان کی بڑی تعریف کی اور بتایا کہ انہوں نے غیر قانونی تارکینِ وطن کو تلاش کر کے ملک سے باہر کرنے کے لیے عملی منصوبہ بنایا ہے۔ صدر ٹرمپ نے امریکی فوج کی قدرت پر بھی بات کی اور ان کی تعریف کی، کہ ان کے پاس دنیا کی بہترین فوج اور جدید ترین طیارے ہیں جن کا کوئی مقابلہ نہیں۔ انہوں نے اپنی حکومت کے انتظامات پر بھی روشنی ڈالی اور کہا کہ وہ معاشی منصوبے بگ بیوٹی فل ایکٹ کے ذریعے ملک کی ترقی کے لیے کام کر رہے ہیں۔