سانحہ جعفر ایکسپریس، ریاستی اداروں کیخلاف پروپیگنڈا کرنے والوں پر کاری وار

سانحہ جعفر ایکسپریس کے دوران سوشل میڈیا پر نفرت انگیز اور پروپیگنڈا کرنے والے ملزم کو اسلام آباد سے گرفتار کرلیا گیا ۔ ملزم حیدر سعید ریاستی اداروں کے خلاف زہر آلود مہم چلا رہا تھا ۔ ایف آئی اے سائبر کرائم سرکل نے ڈیجیٹل شواہد بھی قبضے میں لے لئے جس کے بعد مقدمہ درج کر کے تحقیقات شروع کر دی گئی۔ ایف آئی آر کے مطابق گرفتارملزم  سانحہ کے دوران کالعدم تنظیموں کی حمایت اور آن لائن تشہیر کرتا رہا۔ دہشت گردوں کے حق میں پروپیگنڈا کر رہا تھا کہ سانحہ بولان میں 200 سے زائد فوجی جوانوں کو شہید کر دیا گیا ہے ۔ ملزم حیدر سعید ریاستی اداروں کے خلاف زہر آلود مہم چلا رہا تھا ۔ عوام  کو بغاوت پر بھی اکساتا رہا ۔ سائبر کرائم سرکل نے بنی گالا میں چھاپہ مار کر گرفتار کیا۔ ملزم کے سوشل میڈیا اکاؤنٹس سمیت ڈیجیٹل شواہد قبضے میں لے لئے گئے ہیں ۔ ایف آئی اے کے مطابق  مقدمے میں پیکا ایکٹ کی دفعات 9 اور 10 بھی شامل ہیں۔ ملزم کو شہریوں میں خوف و ہراس پھیلانے اور ریاست کے خلاف بھڑکانے کا بھی مرتکب قرار دیا گیا ہے ۔