وفاقی حکومت اور عالمی مالیاتی فنڈ کے درمیان مذاکرات مکمل ہوگئے، حکومت نے اخراجات کے کنٹرول، خاص طور پر ترقیاتی پروگرام کے ذریعے مالی اہداف کو برقرار رکھنے کااعادہ کیا، جبکہ ایگزیکٹو بورڈ کی منظوری کے بعد پاکستان کوایک ارب ڈالر سے زائد قرض کی قسط جاری ہوگی۔ اس سلسلے میں آئی ایم ایف نے پاکستان سے متعلق اعلامیہ بھی جاری کیا ہے جس کے مطابق پاکستان کے ساتھ 7 ارب ڈالر قرض پروگرام پر جائزے کے لیے مذاکرات میں کلائمیٹ فنانسنگ کے لیے بھی بات چیت ہوئی۔
پاکستان کے ساتھ قرضوں کی ادائیگی کی مینجمنٹ، توانائی کے شعبے میں لاگت کم کرنے اور توانائی شعبے کی بہتری، معاشی ترقی کی شرح بڑھانے اور صحت عامہ کی بہتری کے لیے بھی بات چیت ہوئی۔ اعلامیہ کے مطابق تعلیم کے فروغ، سماجی تحفظ اورموسمیاتی تبدیلیوں کے اثرات کم کرنے پر تبادلہ خیال ہوا، پاکستان نے موجودہ قرض پروگرام پر سختی سے عمل درآمد کیا اور بات چیت مثبت رہی، مزید گفت و شنید آن لائن جاری رہے گی۔
Discussion about this post