مسجدِ نبوی ﷺ میں افطاری کرانے کے لیے نئے قوانین

جنرل اتھارٹی برائے حرمین شریفین نے افطار فراہم کرنے کے خواہش مند افراد اور اداروں کے لیے ایک آن لائن پورٹل پیش کردیا ہے۔ جس کے ذریعے روزہ داروں کو افطاری کرانے کی سعادت حاصل کرنے کے خواہش مندوں کا اندراج کیا جائے گا۔ اتھارٹی کے منظور شدہ  ادارے  اور افراد کو ہی افطاری کرانے کے اجازت ہو گی، جن کی فہرست جاری کی جائے گی۔  قوانین کے مطابق افطار کرانے والے بنیادی مینیو میں اضافی اشیا شامل کر سکیں گے۔ ان میں کھجور، روٹی، دہی، رول اور پانی شامل ہیں۔اضافی اشیاء میں گری دار میوے، کپ کیک، پائی، مامول، کریم یا بھری ہوئی کھجوروں کے آپشن ہیں۔ سروس فراہم کرنے والوں سے کہا گیا ہے کہ وہ سروس کی فراہمی کو یقینی بنانے کے لیے اپنا ڈیٹا لازمی اپ ڈیٹ کریں۔ حکام کا کہنا ہے کہ  اس ڈیٹا کے حاصل ہونے سے افطاری کے انتظامات کو بہتر بنانے کا موقع ملے گا، ہجوم، بے نظمی اور کھانے پینے کی اشیا کے ضائع ہونے سے بچا جا سکے گا۔