آئی ایم ڈی بی نے بھارت کی مقبول ترین ستاروں کی فہرست جاری کردی ہے۔ یہ وہ اداکار ہیں جنہیں 2024 میں سب سے زیادہ سرچ کیا اور ان کی پسندیدگی کا گراف عروج پر رہا۔ اس فہرست میں حیران کن طور پر ترپتی دیمری نے شاہ رخ خان ، دپیکا پدوکون اور عالیہ بھٹ کو بہت پیچھے چھوڑ دیا ہے اور اسی بنا پر وہ نمبر ون کی پوزیشن پر فائز ہیں۔ ترپتی نے اینیمیل، بیڈ نیوز، وکی ودیا کا وہ والا ویڈیو اور بھول بھلیاں 3 میں کام کرکے خاصی شہرت حاصل کی تھی۔ اداکارہ دیپیکا پڈوکون اس فہرست میں دوسرے نمبر پر رہیں۔ 2024 دیپیکا کے لیے ذاتی اور پیشہ ورانہ طور پر ایک اہم سال رہا۔ انہوں نے ماں بننے کے ساتھ زندگی کے ایک نئے مرحلے کا آغاز کیا اور تین بڑی ہٹ فلمیں دی فائٹر، کلکی 2898 اے ڈی، اور سنگھم اگین میں کام کیا۔
تیسرے نمبر پر ایشان کھٹر رہے، جنہوں نے بین الاقوامی ٹی وی سیریز دی پرفیکٹ کپل میں نکول کڈمین، لیو شریبر، اور ایو ہیوسن کے ساتھ اپنی شاندار کارکردگی سے شائقین کو متاثر کیا۔بالی ووڈ کے بادشاہ شاہ رخ خان چوتھے نمبر پر رہے، جبکہ سبھیتا دھولیپالا پانچویں اور ابھرتی ہوئی اداکارہ شاروری چھٹے نمبر پر رہیں۔ ایشوریا رائے بچن ساتویں، عالیہ بھٹ نویں اور پربھاس دسویں نمبر پر ہیں۔
Discussion about this post