اسلام آباد میں فوج تعینات

آرٹیکل 245 کے تحت پاک فوج کو اسلام آباد میں تعینات کیا گیا ہے۔ انتشاریوں اور شرپسندوں سے آہنی ہاتھوں سے نمٹنے کے احکامات جاری کیے گئے ۔ شاہراہ دستور پر بنے پارلیمنٹ ہاؤس سمیت اہم عمارتوں پر فوج تعینات کردی گئی ہے۔ یاد رہے کہ رات گئے شر پسندوں کے ہاتھوں 4 رینجرز اہلکاروں کی شہادت کے بعد وزارتِ داخلہ نے نوٹیفکیشن جاری کرتے ہوئے اسلام آباد میں فوج طلب کر لی ہے اور شر پسندوں کو دیکھتے ہی گولی مارنے کے احکامات جاری کیے ہیں۔ اب تک  5 رینجرز اور پولیس کے جوان  بھی شدید زخمی ہوئے ہیں۔