انگلینڈ کا دوسرے ٹیسٹ کیلئے پلیئنگ الیون کا اعلان

کپتان بین اسٹوکس کی ٹیم میں واپسی ہوئی ہے۔ فاسٹ بولر میٹ پوٹس کی پلیئنگ الیون میں شمولیت ہوئی ہے۔ انگلینڈ کے اسکواڈ میں زیک کرالی، بین ڈکٹ، اولی پوپ، جو روٹ، ہیری بروک، بین اسٹوکس، جیمی اسمتھ، برائیڈن کارس، جیک لیچ اور شعیب بشیر شامل ہیں۔ اُدھر انگلش  کرکٹ ٹیم کے کپتان بین اسٹوکس نے پریس کانفرنس کرتے ہوئے کہا ہے کہ پہلے سے بہترہیں ، پہلا ٹیسٹ بہت اچھا رہا، دوسرے ٹیسٹ کے منتظر ہیں۔ انہوں نے کہا کہ جو بھی پچ ہے، اس پر کھیلنا ہے، اس پچ کے عادی ہیں، دیکھتے ہیں کہ یہ پچ کیسا کھیلتی ہے، اُمید ہے ٹاس جیتیں اور بیٹنگ کریں، پہلے گھنٹے یا پھر پہلے روز پچ کا پتہ چل جائے گا۔ یاد رہے کہ پاکستان اور انگلش ٹیم کے درمیان دوسرا کرکٹ ٹیسٹ منگل سے شروع ہورہا ہے۔