عارف علوی کی کلینک سیل کرنے کیخلاف درخواست پر نوٹس

عدالت نے سندھ حکومت، بلڈنگ کنٹرول اتھارٹی اور ہیلتھ کیئر کمیشن کو نوٹس جاری کیے ہیں۔ سندھ ہائی کورٹ نے فریقین سے 7 اکتوبر تک جواب طلب کر لیا۔ یاد رہے کہ سابق صدرِ ڈاکٹر عارف علوی کے علوی ڈینٹل کلینک کو سیل کرنے کے خلاف سندھ ہائی کورٹ میں درخواست دائر کی گئی تھی۔عدالتِ عالیہ نے سابق صدر عارف علوی کی اہلیہ ثمینہ علوی اور بیٹے اواب علوی کی فوری سماعت کی استدعا منظور کر لی تھی، جس پر 2 رکنی بینچ نے سماعت کی۔ موقف یہی اختیار کیا گیا کہ ایس بی سی اے نے سندھی مسلم سوسائٹی میں واقع ڈینٹل کلینک سیل کر دیا ہے۔وجہ محض سیاسی انتقام ہے، ڈاکٹر عارف علوی کو صرف سیاسی بنیادوں پر ہراساں کیا جا رہا ہے۔ڈینٹل کلینک طویل عرصے سے قائم ہے، سیل کرنے سے پہلے کوئی نوٹس نہیں دیا گیا۔ جمعرات کو سندھ بلڈنگ کنٹرول اتھارٹی نے سندھی مسلم کوآپریٹو ہاؤسنگ سوسائٹی بلاک بی مکان نمبر 23 بی میں کارروائی کرتے ہوئےڈینٹل کلینک جو رہائشی بنگلے میں قائم تھا سیل کر دیا۔ایس بی سی اے کے ترجمان کے مطابق  کلینک رہائشی مکان میں ہونے پر سیل کیا گیا، یہ ایک معمول کی کارروائی تھی، ایسی کارروائیاں پورے شہر میں کی جا رہی ہیں۔