سندھ : بارشوں میں تعلیمی اداروں میں چھٹی کا اختیار ڈپٹی کمشنر کے پاس

محکمۂ تعلیم سندھ نے ضلعی ڈپٹی کمشنرز کو خط لکھا ہے اور کہا کہ بارشوں میں تعلیمی اداروں میں چھٹی کا اختیار ڈپٹی کمشنر کو ہوگا۔  ڈپٹی کمشنر محکمۂ تعلیم سے مشاورت کے بعد اپنے اپنے  ضلع میں چھٹی کرنے کا مجاز ہو گا۔ دوسری جانب  چیف میٹرولوجسٹ سردار سرفراز نے خبردار کیا ہے کہ مون سون سسٹم کا مرکز سندھ میں داخل ہو چکا ہے۔ ڈیپ ڈپریشن کا مرکز ننگر پارکر کے قریب ہے، آئندہ 24 گھنٹوں میں سسٹم کراچی کے جنوب بحیرۂ عرب تک آ سکتا ہے۔ اس سسٹم کے باعث کراچی  میں وقفے وقفے سے معتدل سے موسلا دھار بارش ہو سکتی ہے، کل بھی تیز اور موسلا دھار بارش کا امکان ہے۔31 اگست تک سندھ میں سسٹم بارش کا سبب بنے گا۔