پنجاب : دہشت گردی کا خطرہ ، دفعہ 144 نافذ

پنجاب کے محکمہ داخلہ نے صوبے بھر میں دفعہ 144 فوری طور پر نافذ کرتے ہوئے جلسے جلوس، ریلیوں، دھرنوں اور احتجاج پر 7 روز کے لیے  پابندی لگا دی ہے۔ ترجمان محکمہ داخلہ پنجاب کا موقف ہے کہ امن و امان کے قیام، انسانی جانوں اور املاک کے تحفظ کے لیے دفعہ 144 نافذ کی گئی۔ پابندی کا اطلاق دہشت گردی کے خطرات کے پیشِ نظر کیا گیا ہے۔ عوامی ہجوم دہشت گردوں کے لیے سافٹ ٹارگٹ ہو سکتا ہے ۔ پنجاب بھر میں انتظامیہ حکم نامے پر عملدرآمد یقینی بنائے گی ۔