بشریٰ بی بی کا شفا انٹرنیشنل اسپتال میں میڈیکل چیک اپ

سابق بانی چیئرمین پی ٹی آئی کی اہلیہ بشریٰ بی بی کا شفا انٹرنیشنل اسپتال میں طبی معائنہ کیا گیا۔ میڈیکل روم کے اندر اور باہر پولیس کی نفری تعینات کی گئی تھی۔ اسپتال انتطامیہ کی جانب سے دیگر افراد کا داخلہ محدود کردیا گیا تھا۔ پی ٹی آئی وکیل انتظار پنجوتھا کے مطابق ٹیسٹ مکمل ہو چکے ہیں، اب رپورٹس کا انتطار ہے۔ جمعے کو  اڈیالہ جیل میں سماعت کے دوران احتساب عدالت سابق  بانی چیئرمین پی ٹی آئی اور ان کی اہلیہ بشریٰ بی بی کی درخواستیں منظور کرتے ہوئے ان  کا طبی معائنہ کرانے کا حکم دیا تھا۔