اسمبلی اجلاس طلب کیا جائے، پشاور ہائی کورٹ

خیبرپختونخوا اسمبلی کی مخصوص نشستوں پر نومنتخب ارکان سےحلف نہ لینے کے متعلق  پشاور ہائیکورٹ نے 24 صفحات پر  تحریری فیصلہ جاری کردیا۔  جسٹس ایس ایم عتیق شاہ کے فیصلے کے مطابق عدالت نے وزیراعلیٰ اور صوبائی کابینہ کو اسمبلی اجلاس طلب کرنے کیلئے اقدامات کرنے کا حکم دیا ہے۔ عدالتی فیصلے کے مطابق آئین کے شق  105 کے تحت 2 ہفتے کے اندر کے پی اسمبلی کا اجلاس طلب کیا جائے، خیبرپختونخوا میں سینیٹ انتخابات سے قبل ان نو منتخب ممبران سے حلف لیا جائے۔  فیصلےکے مطابق  اسپیکر کے پی اسمبلی مخصوص نشستوں پر منتخب اراکین سے حلف لیں، مخصوص نشستوں پر نومنتخب ارکان کو حلف سے روکنا آئین کی خلاف ورزی ہے۔