سیف سٹی نے بلیک میل کرنے والے لڑکے کو گرفت میں لے لیا

معلوم ہوا ہے کہ لاہور کی متاثرہ لڑکی نے کوٹ لکھپت کے علاقے سے 15 ایمرجنسی پر کال کی۔ لڑکی کا موقف تھا کہ ایک لڑکے نے ٹک ٹاک پر اس کی ویڈیوز اپ لوڈ کی ہیں اور اسے جان سے مارنے کی دھمکیاں بھی دے رہا ہے۔ لڑکی نے بلیک میلر لڑکے کو کوٹ لکھپت کے علاقے میں بلایا اور ساتھ ہی سیف سٹی کو بھی اس بارے میں آگاہ کردیا۔ و سیف سٹی ٹیم نے لڑکی کی شکایت پر فوری طور پر  کوٹ لکھپت پولیس کو موقع پر بھجوایا اور کیمروں کے ذریعے لڑکی کو کال کے دوران لائیو مانیٹر بھی کیا جاتا رہا۔ سیف سٹی کیمروں سے ملزم کو ٹریس کیا  گیا اور پھر اس کی گرفتاری عمل میں لائی گئی۔ سیف سٹی حکام کے مطابق  خواتین اپنے تحفظ کو یقینی بنانے کیلئے موبائل میں ’’ویمن سیفٹی ایپ‘‘ انسٹال کریں۔ ویمن سیفٹی ایپ کے الرٹ 15 اور لائیو چیٹ فیچرز سے وہ فوری مدد حاصل کرسکتی ہیں۔ اب تک 3 لاکھ سے زائد خواتین پنجاب پولیس ویمن سیفٹی ایپ انسٹال کر چکی ہیں۔