منورفاروقی کی گرفتاری اور پھر رہائی

اسٹینڈ اپ کامیڈین اور ریئلیٹی شو بگ باس کے سیزن 17 کے کامیاب امیدوار منور فاروقی کو ‘حُقہ بار’ پر چھاپے کے دوران  گرفتار کرلیا گیا۔ بھارتی میڈیا کے مطابق رات لگ بھگ ساڑھے 10 بجے پولیس نے ممبئی میں ایک حقہ بار پر چھاپہ مارا اور یہ کارروائی صبح 5 بجے تک جاری رہی۔ منور فاروقی سمیت 14 افراد کو حراست میں لیا گیا ہے۔ منور فاروقی کو  کچھ گھنٹے تک حراست میں رکھنے کے بعد رہا کردیا گیا۔ پولیس کا موقف ہے کہ  حُقہ بار غیر قانونی طور پر چلایا جا رہا تھا، پولیس نے منور فاروقی سمیت دیگر زیرِ حراست افراد کے خلاف سگریٹ نوشی اور دیگر تمباکو مصنوعات ایکٹ کی دفعات کے تحت مقدمہ درج کیا ۔ پولیس کے مطابق چھاپے کے دوران منور فاروقی حُقہ پی رہے تھے، کامیڈین کی حُقہ پیتے ہوئے ویڈیوز بھی پولیس کے پاس بطورِ ثبوت ہیں۔