قومی کرکٹ ٹیم کی آسٹریلیا روانگی

شان مسعود کی قیادت میں پاکستانی کرکٹ ٹیم کا اسکواڈ دبئی کے راستے آسٹریلیا روانہ ہوگیا ہے۔ ٹیم میں 18 کھلاڑی شامل ہیں جبکہ مینجمنٹ کے 2 ارکان ڈاکٹر سہیل اور شاہد اسلم اسکواڈ کو بعد میں جوائن کریں گے۔ بیٹنگ کوچ ایڈم ہولیوک اور ہائی پرفارمنس کوچ سائمن گرانٹ ہیلمٹ آسٹریلیا میں ٹیم کو جوائن کریں گے۔ 30 ٹیسٹ میچز کھیلنے والے شان مسعود پہلی بار ٹیم کی کپتانی کررہے ہیں۔ پاکستان اور آسٹریلیا کے درمیان پہلا ٹیسٹ میچ 14 دسمبر سے پرتھ میں ہوگا جبکہ دوسرا ٹیسٹ میلبورن میں 26 دسمبر سے کھیلا جائے گا اسی طرح تیسرا ٹیسٹ 3 جنوری سے سڈنی میں ہوگا۔