بھارتی کرکٹ ٹیم کے کپتان روہیت شرما کا چالان ممبئی پونے ایکسپریس وے پر ہوا۔ روہیت شرما بنگلہ دیش کے خلاف میچ کے لیے ممبئی سے پونے کا سفر پرائیوٹ کار سے کررہے تھے۔ ٹریفک ڈپارٹمنٹ کا کہنا ہے کہ روہیت شرما تیزرفتاری کے مرتکب ہوئے اور ٹریفک قوانین کی خلاف ورزی پر ان کے ایک نہیں 3 چالان کیے گئے۔ پولیس کے مطابق ہائی وے پر روہیت شرما 200 کلو میٹر فی گھنٹہ کی رفتار سے زیادہ گاڑی کو دوڑا رہے تھے۔ یاد رہے کہ آج بنگلہ دیش اور بھارت عالمی کپ کے اہم میچ میں ایک دوسرے سے ٹکرائیں گی۔
Discussion about this post