نگراں وزیراعظم انوار الحق نے کونسل آف پاکستان نیوز پیپرز ایڈیٹرز کے وفد سے اسلام ۤباد میں ملاقات کی۔ اس موقع پر ان کا کہنا تھا کہ اُن کے دورہ امریکا کے متعلق من گھڑت خبریں اور منظم جھوٹی مہم چلائی گئی۔ ریاست کے خلاف منفی پراپیگینڈے کی منظم مہم چلائی جاتی ہے. فلسطین کا تذکرہ کرتے ہوئے نگراں وزیراعظم کا کہنا تھا کہ فلسطین میں اسرائیل کی حالیہ جارحیت، ظالم اسرائیل اور مظلوم فلسطینیوں کی جنگ ہے. پاکستان مظلوم فلسطینیوں کے ساتھ انکے حق خود ارادیت اور آزاد فلسطینی ریاست کے حصول تک شانہ بشانہ کھڑا ہے۔ ان کے مطابق افغان بھائی ہیں۔ قانونی طور پر مقیم افغان پناہ گزینوں کو کوئی واپس نہیں بھیج رہا. صرف غیر قانونی طور پر مقیم غیر ملکیوں کو ملک بدر کیا جا رہا ہے. 31 اکتوبر کے بعد ان کے خلاف سخت کارروائی ہوگی۔
Discussion about this post