خواتین کو ہراساں کرنے پر علاقے کا ایس ایچ او ہٹانے کا ارادہ

سندھ کے نگراں وزیرداخلہ حارث نواز نے نجی ٹی وی سے گفتگو کرتے ہوئے اعلان کیا ہے کہ جس علاقے میں خواتین کو ہراساں کرنے کا واقعہ رونما ہوگا وہاں کے ایس ایچ او کو ہٹانے کا فیصلہ کرلیا گیا ہے۔ ان کا کہنا تھا کہ خواتین کو ہراساں کرنے کے واقعات ناقابل برداشت ہیں۔ ایسے واقعات پر ڈی ایس پی کے خلاف بھی کارروائی ہوگی۔ انہوں نے اس عزم کا اظہار کیا کہ پولیس کی سخت پیٹرولنگ کردی گئی ہے جس کے باعث عوام کو امن و امان کی صورتحال میں بہتری محسوس ہوگی۔ خواتین کو ہراساں کرنے کے اب تک جو واقعات ہوئے ہیں ان میں ملوث افراد کو ٹریس کرلیا جائے گا۔