عمران خان کو اہلیہ سے بات کرنے کی اجازت

سابق وزیراعظم عمران خان کو احتساب عدالت نے القادر ٹرسٹ کیس میں 8 دن کے لیے جسمانی ریمانڈ پر نیب کے حوالے کیا ہے۔ اسی سلسلے میں بدھ کو ہونے والی سماعت کا تحریری فیصلہ جاری کردیا ہے۔ جس کے مطابق عمران خان سے ذاتی معالج کی ملاقات کی اجازت دے دی۔ سابق وزیراعظم کا طبی معائنہ کرنے والی ٹیم میں ڈاکٹر فیصل بھی شامل ہوں گے۔ دوران ریمانڈ عمران خان شریک سفر سے گفتگو کرنے کے مجاز ہوں گے اس سلسلے میں خصوصی انتظامات کیے جانے کا حکم دیا گیا ہے۔  عمران خان کو رشتے داروں سے بھی ملاقات کی اجازت ہوگی۔