سابق آرمی چیف کا بیان سیاق و سباق سے ہٹ کر پیش کیا گیا

پاک فوج کے شعبہ تعلقاتِ عامہ آئی ایس پی آر کا کہنا ہے کہ سابق آرمی چیف کا پاکستان کے مستقبل کے خطرے پربیان کو سیاق و سباق سے ہٹ کر پیش کیا گیا۔ آئی ایس پی آر کے مطابق پاکستان آرمی کی انوینٹری میں موجود کچھ  ہتھیاروں کے نظام کی حالت اور ان کی جنگی قابلیت کے بارے میں میڈیا پر بحث ہوئی۔ سابق آرمی چیف نے مستقبل کے خطرات کے بارے میں اپنے خیالات آف دی ریکارڈ انٹر ایکٹو سیشن میں میڈیا سے شئیر کیے اور اس سیشن کو سیاق و سباق سے ہٹ کر پیش کیا گیا۔ آئی ایس پی آر کا کہنا ہے کہ عوام کو یقین دلاتے ہیں کہ ہمیشہ اپنی آپریشنل تیاریوں اور جنگی قابلیت پر فخر کیا ہے اور کرتے رہیں گے۔ افواج پاکستان نے ہمیشہ مادر وطن کے دفاع کے لیے اپنے ہتھیاروں، ساز وسامان اور جنگی وسائل کو تیار رکھا ہے اور رکھیں گی۔