پشاور میں خود کش دھماکہ

پشاور کی پولیس لائنز کی مسجد میں اُس وقت خوف ناک دھماکہ ہوا جب نمازی ظہر ادا کررہے تھے۔ پولیس کا کہنا ہے کہ پہلی صف میں کھڑے خود کش حملہ آور نے خود کو دھماکے سے اڑایا۔ جس کی آواز دور دور تک سنی گئی۔ ابتدائی اطلاعات کے مطابق اس خود کش دھماکے میں 17 اہلکار جاں کی بازی ہار گئے جبکہ 90 سے زائد افراد زخمی ہو کر اسپتالوں میں پہنچائے گئے ہیں۔ دھماکے کے فوری بعد قانون نافذژ کرنے والے اداروں نے پورے علاقے کو گھیرے میں لے لیا۔ زخمیوں کو لیڈی ریڈنگ اسپتال لایا گیا ہے جہاں سے شہریوں سے اپیل کی جارہی ہے کہ وہ خون کے عطیات دیں تاکہ زخمیوں کی زندگیاں بچائی جاسکیں۔

پشاور کی مسجد میں دوران نماز دھماکا متعدد زخمی #peshawar pic.twitter.com/LMuLyN5lgI

— Nadeem Raza (@nadeemraza5) January 30, 2023

دھماکے کی خوف ناک شدت کی وجہ سے مسجد سے متصل کینٹین کی چھت زمین پر آگری۔ جبکہ ملبہ ہٹانے کے لیے کرین کی مدد لی جارہی ہے۔ واقعے کی وزیراعظم صدر سمیت حکومتی، سیاسی قیادت نے مذمت کی۔ جبکہ وزیراعظم نے اس واقعے کی وزیر داخلہ سے رپورٹ طلب کرلی ہے۔