کوئی پی ایس ایل کے مفت ٹکٹ یا پاس نہ مانگے

پاکستان کرکٹ بورڈ مینجمنٹ کمیٹی کے چیئرمین نجم سیٹھی کا سوشل میڈیا پر پیغام اُن حضرات کے لیے ہے جو ان سے مفت ٹکٹ یا پاسز مانگتے ہیں۔ نجم سیٹھی لکھتے ہیں کہ وہ تمام دوست احباب اور اعلیٰ شخصیات سے درخواست کرتے ہیں کہ فروری سے شروع ہونے والے پی ایس ایل میچز کے مفت پاسز یا ٹکٹ ان سے نہ مانگیں۔ ان کے مطابق پی سی بی کا آڈٹ کرنے والی قومی اسمبلی کی پبلک اکاؤنٹس کمیٹی نے اس عمل سے باز رہنے کی تنبیہ کی ہے۔ نجم سیٹھی نے مزید لکھا کہ اسی طرح وہ یہ خواہش بھی رکھتے ہیں کہ دوست یا اعلیٰ حکام کسی کھلاڑی یا کوچ کی سلیکشن کرانے کے لیے کوئی سفارش نہ کریں۔

1) I am making a personal request to all friends and high-ups NOT to ask for free tickets/passes to PSL matches starting next month. The Public Accounts Committee of National Assembly that audits PCB has warned us to desist from this practise!

— Najam Sethi (@najamsethi) January 20, 2023