کراچی میں چیف سلیکٹر شاہد خان آفریدی نے نیوزی لینڈ کے خلاف ایک روزہ میچز کے لیے پاکستانی اسکواڈ کا اعلان کردیا۔ جس میں بابر اعظم، فخر زمان، حارث رؤف، کامران غلام، حارث سہیل، ا امام الحق ، محمد حسنین، محمد نواز، محمد رضوان ، وسیم جونیئر، نسیم شاہ، آغا سلمان، شاہنواز دھانی، شان مسعود، طیب طاہر اور اسامہ میر شامل ہیں۔ شاہد آفریدی کا کہنا تھا کہ اسکواڈ کے لیے بابراعظم اور ثقلین مشتاق کی مشاورت شامل رہی ہے۔
شاداب خان انجری کا شکار ہیں اسی لیے فی الحال انہیں آرام دیا گیا ہے تاکہ وہ مکمل فٹ ہوکر ٹیم کا حصہ بنیں۔ شاداب کی جگہ اب سامہ میر کو موقع دیا گیا ہے جن سے امید ہے کہ بہتر کارکردگی دکھائیں گے۔ سرفراز احمد کو اسکواڈ میں شامل نہ کرنے کے سوال پر شاہد آفریدی کا کہنا تھا کہ جہاں لگا کہ رضوان تھک گئے ہیں یا پرفارمنس نہیں دے رہے توممکن ہے پھر سرفراز کو ضرور موقع دیں۔
پاکستان اور نیوزی لینڈ کے درمیان پہلا ایک روزمیچ 9 جنوری کو کراچی میں جبکہ دوسرا اور تیسرا میچ بھی شہر قائد میں ہی ہوگا۔
Discussion about this post