1947 سے اب تک توشہ خانہ کی تفصیلات طلب

لاہور ہائی کورٹ نے وفاقی حکومت کو حکم دیا ہے کہ وہ 1947 سے اب تک توشہ خانہ میں تحائف کی تفیصلات فراہم کرے۔ عدالت عالیہ کے مطابق حکومت یہ بھی بتائے کہ کس نے توشہ خانہ سے کب اور کتنے تحائف حاصل کیے ہیں۔ لاہور ہائی کورٹ میں توشہ خانے سے متعلق درخواست لاہور کے شہری منیراحمد نے دی جس پر جسٹس عاصم حفیظ نے 16 جنوری تک تفصیلات مانگ لی ہیں۔ سماعت کے دوران وفاقی حکومت کے وکیل کا موقف تھا کہ توشہ خانہ سے تحائف وصول کرنے والوں کی تفصیلات فراہم نہیں کرسکتے۔