صدر عارف علوی سے توشہ خانہ کی تفصیلات سامنے لانے کا مطالبہ

نون لیگ کے رہنما طلال چوہدری نے صدر عارف علوی سے مطالبہ کیا ہے کہ وہ توشہ خانہ میں ملنے والے تحائف کی تفصیلات دیں۔ طلال چوہدری کا کہنا تھا کہ صدر علوی بتائیں کہ انہوں نے کتنے بیرون ملک دورے کیے اور ان کے دوران انہیں کتنے تحائف ملے اور ان کی تفصیلات کیا ہیں؟ صرف صدر ہی نہیں ان کی اہلیہ بھی عوام کو بتائیں۔ طلال چوہدری نے سوال اٹھایا کہ کیا صدر نے قانون کے مطابق تحائف گوشواروں میں ظاہر کیے ہیں؟ قوم جاننا چاہتی ہے کہ صدر عارف علوی اور ان کی بیگم نے کتنی رقم ادا کر کے تحائف اپنے پاس رکھے؟