پی ٹی آئی قیادت کیخلاف انسداد دہشت گردی کا مقدمہ

تحریک انصاف اسلام آباد کی مقامی قیادت کے خلاف اب تھانہ آئی نائن میں مقدمہ درج کرلیا گیا ہے۔ الزام یہ ہے کہ سابق وزیراعظم عمران خان کی نااہلی کے خلاف اسلام آباد کی مقامی قیادت نے توڑ پھوڑ اور ہنگامہ آرائی کی۔ مقدمے میں عامر کیانی، قیوم عباسی، فیصل جاوید اور  راجہ راشد حفیظ کو نامزد کیا گیا ہے۔ جبکہ  عمر تنویر بٹ، راشد نسیم عباسی اور راجہ ماجد کو بھی مقدمے میں نامزد ہیں۔ مقدمے کے مطابق پی ٹی آئی کارکنوں نے پولیس، ایف سی اور انتظامیہ پر پتھراؤ کیا، جس سے کئی  پولیس اور ایف سی اہلکار زخمی ہوئے۔ ان بلوائیوں نے قتل کی نیت سے پولیس اہلکاروں پر گاڑیاں چڑھانے کی کوشش کی۔ مظاہرین نے فیض آباد اور قریبی علاقوں میں درختوں کو نذرآتش کیا  جبکہ سرکاری املاک کو نقصان پہنچانے کی کوشش کی۔