شیزا فضا کی طرح دو بہنوں کی ایک دوسرے کے دلہوں سے شادی

چند روز قبل سوشل میڈیا پر شیزا اور فضاء کا چرچا تھا کہ دو جڑواں بہنوں کے دلہے کس طرح تبدیل ہوسکتے ہیں تاہم وہ ڈرامے کے فرضی کردار تھے تو معاملہ ہنسی مذاق میں اڑ گیا لیکن بھارتی ریاست مدھیا پردیش کے ایک گاؤں میں ایسا ہی واقعہ پیش آیا جہاں دو سگی بہنیں نکیتا اور کرشما کی شادی دو مختلف خاندان سے تعلق رکھنے والے بھولا اور گنیش سے ہورہی تھی کہ شادی کے آخری رسومات کے دوران اچانک بجلی بند ہوگئی جس کے باعث نکیتا کا بیاہ بھولا کے بجائے گنیش سے اور کرشما کا بیاہ گنیش کے بجائے بھولا سے ہوگیا اور یوں دونوں بہنوں کے دلہے تبدیل ہوگئے۔ لیکن جب بجلی آئی تو اس راز سے بھی پردہ اٹھ گیا اور خاندانوں کے درمیان دلہے کی ادلا بدلی کو لے کر توتو میں میں شروع ہوگئی تاہم برادری کے افراد نے معاملے کو سلجھا کر معاملہ رفع دفع کروایا اور طے یہ پایا کہ دونوں بہنوں کی دوبارہ شادی ہوگی دوبارہ دونوں جوڑوں کے پھیرے ہوں گے، جس کے بعد دونوں بہنوں کو ان کے اصل دلہا کے ساتھ بیاہا گیا۔