سابق مس یونیورس اور بھارتی اداکارہ سشمیتا سین کی ان دنوں ایک ویڈیو گردش میں ہے جس میں ان کو اپنی بیٹیوں کے ہمراہ ایک ریسٹورنٹ کے باہر فوٹوگرافرز کو پوز دیتے ہوئے دیکھا جاسکتا ہے لیکن اس دوران مداحوں اور میڈیا ورکرز کی توجہ کا مرکز کوئی بنا تو زرد سویٹر پہنا وہ بچہ جسے اداکارہ کی خاتون ورکر نے گود میں اٹھائے رکھاہے۔ سشمیتا سین اور ان کے بچوں کی یہ ویڈیوز اور تصاویر سوشل میڈیا پر وائرل ہوئیں تو چہ مگوئیاں بھی شروع ہوگئی یہ دعوی کیا جانے لگا کہ یہ بچہ اداکارہ کا تیسرا گود لیا ہوا بچہ ہے اور مداحوں کی جانب سے اداکارہ کو تیسرے بچے کے گود لینے میں مبارکباد دینے لگے، سشمیا سین کی خاموشی نے بھی قیاس آرائیوں کو مزید ہوا دی تاہم یہ سب دعوے افواہ ثابت ہوئے اور بیٹا گود لینے کی خبروں کوجھوٹا قرار دیا گیا۔
View this post on Instagram
بھارتی میڈیا کے مطابق ریسٹورنٹ کے باہر سشمیتا سین جس بچے کے ساتھ تصاویر اور ویڈیوز بنواتی ہوئی نظر آئیں وہ ان کا گود لیا ہوا بچہ نہیں ہے بلکہ ان کی دوست کا بچہ ہے۔ یاد رہے کہ چند روز قبل بھارتی اداکارہ سشمیتا سین نے بوائے فرینڈ روہمن شال سے علیحدگی کا اعلان کیا تھا۔ سابق مس یونیورس نے 2000 میں اپنی بڑی بیٹی رینی اور 2010 میں چھوٹی بیٹی الیسا کو گود لیا تھا اور اب وہ ان دونوں کی بطور سنگل ماں پرورش کررہی ہیں۔
مزید پڑھیں:
Discussion about this post