52لاکھ کا گھوڑا،9لاکھ کی بلی اور جیکولین فرینڈس کا بھتہ خور بوائے فرینڈ

منی لانڈرنگ اور بھتہ خوری کیس میں گرفتار چندر شیکھر کے خلاف تحقیقات کرنے والے ادارے ’دی انفورسیمنٹ ڈائریکٹوریٹ‘ نے دہلی کی عدالت میں 700صفحات کی ایک چار ج شیٹ جمع کرائی ہے، جس میں انکشاف ہوا ہے کہ بالی وڈاسٹارجیکولین فرینڈس پر چندر شیکھر کی خاص مہربانیاں رہی ہیں۔ جبھی اُس نے اداکارہ کو 52لاکھ کا اعلیٰ نسل کا گھوڑا اور9لاکھ روپے کی پرشین بلی بطور تحفہ دی۔ یہی نہیں چندر شیکھر اداکارہ پر ایسا مر مٹا تھا کہ ان قیمتی تحائف کے علاوہ بھی جیکولین فرینڈس کو مختلف مہنگے اور قیمتی تحفے دیتا رہتا تھا۔ ان میں زیورات اور ہیرے کے ہار نمایاں ہیں۔

یہی نہیں جیل میں رہتے ہوئے بھی جیکولین فرینڈس اس بھتہ خور سے ناصرف گفتگو کرتی رہی ہیں بلکہ قیمتی تحائف بھی لیتی رہیں۔ چند ر شیکھر صرف جیکولین فرینڈس پر ہی فدا نہیں تھا بلکہ نورا فتحی پر بھی لٹو تھا۔ جنہیں اُس نے ایک کروڑ کی قیمتی گاڑی دے رکھی تھی۔

دلچسپ بات یہ ہے کہ حالیہ دنوں میں جب بالی وڈ کی ان دونوں اداکاراؤں کو پوچھ گچھ کے لیے طلب کیا گیا تھا تو انہوں نے صرف یہی کہا تھا کہ چندر شیکھر سے کوئی قریبی تعلق نہیں اور ناہی انہوں نے کبھی اُس سے تحائف وصول کیے۔تحقیق کرنے والے اداروں نے  اس جانب بھی اشارہ کیا کہ جیکولین فرینڈس اور نور ا فتحی، چندر شیکھر کے لیے منی لانڈرنگ بھی کرتی ہوں۔اتوار کو جب  جیکولین فرینڈس ممبئی سے مسقط جانے کی پرواز میں سوار تھیں تو انہیں طیارے سے اتار لیا گیا۔ بھارتی حکام کا کہنا تھا کہ وہ 200 کروڑ روپے کی منی لانڈرنگ میں تحقیقات کے لیے مطلوب ہیں اسی لیے بھارت چھوڑ کر جا نہیں سکتیں۔