3 ارب ڈالرز واپسی کی مہلت بڑھانے کا سعودی عندیہ

سوئس شہر ڈیووس میں ورلڈ اکنامک فورم میں موجود سعودی وزیر خزانہ محمد الجدان کا کہنا تھا کہ ان کی مملکت پاکستان کو 3 ارب ڈالرز واپسی کی مہلت بڑھانے پر غور کررہی ہے۔ سعودی وزیر خزانہ کے مطابق پاکستان اہم اتحادی ہےجو سعودی عرب کے ساتھ کھڑا ہے۔ انہوں نے اس حوالے سے مزید تفصیلات سے آگاہ نہیں کیا۔ یاد رہے کہ سعودی عرب نے پاکستان کو زرمبادلہ ذخائر میں معاونت کے لیے 3 ارب مرکزی بینک میں جمع کرائے تھے۔ معاشی تجزیہ کاروں کے مطابق سعودی اعلان کے بعد پاکستان کی معاشی مشکلات میں خاصی حد تک کمی آئے گی۔