پاکستانی ڈرامہ انڈسٹری میں راج کرنے کے بعد خوبرو اداکارہ یمنی زیدی جلدہی عرب سپر ہیرو فلم میں جلوے بکھرتی نظر آئیں گی۔ پاکستانی نژاد امریکی فلم ساز اجمل ظہیر احمد کی سپرہیرو کامیڈی فلم ‘ کریسٹر اینڈ دی نائٹ اسٹالین’ کا پہلا ٹیزر اداکارہ نے اپنے انسٹاگرام پر شیئر کیا اور مداحوں کو مکمل ٹریلر دیکھنے کے لیے یوٹیوب پر جانے کا مشورہ بھی دیا۔
View this post on Instagram
فلم کے ٹیزر میں اداکارہ یمنی زیدی کی مختصر جھلکیاں دکھائی گئی ہیں جہاں انہیں اپنی نٹ کھٹ اور چلبلی اداؤں سے سپر ہیرو کریسٹر کا دل جیتتے ہوئے بھی دکھایا گیا ہے۔ عربی سپرہیرو فلم میں اداکارہ یمنی زیدی کے ساتھ عرب اداکارعبداللہ جاسم بھی ہیں جو عرب کے سوشل میڈیا پر اپنی مزح سے بھرپور ویڈیوز کے باعث چرچے کا سبب بنے رہتے ہیں۔
فلم کریسٹر اینڈ دی نائٹ اسٹالین کے ٹیزر کو جاری کرتے ہوئے عندیہ دیا گیا ہے کہ ’کریسٹر اینڈ دی نائٹ اسٹالین‘ کو جلد ریلیز کردیا جائے گا، تاہم یہ فلم کس اسٹریمنگ ویب سائٹ پر جلوہ گر ہونگی اس سے متعلق کوئی تفصیلات فراہم نہیں کی گئی فلم کی کہانی دو ایسے سپرہیروز کے گرد گھومتی ہے جو لوگوں کی مدد کرتے ہیں، جادوئی طاقتوں سے مالا مال ہوتے اور مشکل میں پھنسے لوگوں کی مدد کرتے ہیں لیکن جرم کے خلاف جنگ لڑنے والوں کی ایک ماں بھی ہیں جو اپنی روایات کو پردیس میں بھی برقرار رکھی ہوئی ہیں جو اپنے سپرہیروز کو قابو میں رکھے ہوئے ہیں۔
Discussion about this post